* المقدمة
*
اه عارفين اننا أخر
ناس تتكلم عن الموبايلات دي Redmi Note 10 pro , Poco X3
pro "
الاتنين برو خدت بالك " ولكن الصراحة الموبايلات عجبتني جداً أكيد من وقت
مانزلت بس بالذات بعد ما شوفت رأي المستخدمين الحقيقيين اللي اشترو الموبايلات دي
وجربوها مدة بالفعل والصراحة كمان أنبهرت باللي أتقالي، وانشاء الله في الفيديو ده
هنعمل حاجات كتيرة ف نفس الوقت ، اولا هراجهلك الموبايلين اللي معانا ده اساسي
طبعا وكمان هعملك مقارنة بينهم ف كل نقطة من نقاط القوة والضعف فيهم لا وكان
هعرضلك رأي المستخدمين اللي وصلي زي ماقولتلك وحاجات تانيه كتيرة .. فا منغير اي
رغي كتير حضر كده ياصاحبي مشروب متين وركز معايا كده ويلا بينا نبدأ الفيديو.
1
. التصميم :
Redmi
Note 10 Pro
الـNote 10 Pro جهاز كبير في الإيد .. معمول لمحبي الموبايلات الكبيرة .. ولكن
متقلقش الموبايل مش تخين، التخانة بتاعته 8.1 ملم يعني الموبايل يعتبر رفيع ومع وزن حوالي 193 جرام .. وزن كويس جداً لكن بظل الموبايل مش لأي حد
أيده صغيرة ... !
العقبة الوحيدة في
التصميم هي بروز الكاميرات .. طبعًا مستشعر الكاميرا الـ108 ميجا بيكسل اللي هنا
كبير فا علشان كده شاومي خلت البروز على درجتين .. الدرجة اللي ماسكة في جسم الجهاز متينه ..
ولكن في درجة تانية للبروز زجاج وطالعة لوحدها، ودلوقتي بعد اراء مستحدمين كتير
جربوا الموبايل لفترة احب اطمنك انك لو ركبت الجراب الشفاف المصنفر من جوه اللي
جاي مع الموبايل في العلبة هيغطي البروز بالكامل لانه فيه جزء كده أعلى من
الكاميرا الخلفية وانسي اي حاجه تحصل للكاميرات الخلفية .. والجراب برده بيغطي
مدخل الشحن .. حاجة كويسة جدا.
على مستوى الخامات
وشكل التصميم .. الموبايل جاي بتصميم زجاجي عليه طبقة حماية Corning Gorilla
Glass 5 مع فريم بلاستيكي ..
شكل تصميم الكاميرا الخلفية جديد ومميز وهيحسسك انك ماشي بموبايل غالي ودي حاجه
مميزة جداً من شاومي ومش جديد علينا اننا ننبهر بالتصميم اللي هنا .. الموبايل
بينزل بـ 3 ألوان، الرمادي والأزرق والبرونزي.
Poco
X3 Pro
علي العكس تماماً بقا
تصميم البوكو X3 pro ...
الموبايل بيجي بنفس
تصميم Poco
X3 NFC بدون أي إختلاف، بنفس
الملاحظات ونفس السلاطات ونفس البابا غنوج وبنفس كل حاجه .. شاومي إهتمت في
الموبايل ده بالمعالج والأداء بس واللي هنتكلم عليهم كمان شوية.
الموبايل وزنه تقيل
حوالي 215 جرام .. وتخانته 9.8 مللي .. مش هتعرف تتعود عليه بسرعة إلا لو موبايل
القديم كان تقيل وتخين ونفس الحكاية هنا ، والخامات في الموبايل من البلاستيك
بالكامل.
في جزء كده او شريط
بالعرض مكتوب عليه POCO بيدي
إنعكاس حلو مع الإضاءه .. لطيف وملمسه مختلف عن ملمس جوانب الموبايل اليمين
والشمال.
بروز الكاميرات كبير
للأسف .. وفي جراب في العلبة علشان يغطي البروز ده.
2
. الشاشة :
Redmi Note 10 Pro
شاشة الـ Redmi Note 10 Pro
شاشة كبيرة 6.7 بوصةAMOLED بدقة FHD+ بثقب صغير أوي للسيلفي .. وكمان الشاشة بتردد 120 هيرتز مع كثاقة
بيكسلات 395 بكسل لكل انش .. شاشة مبهرة على الحقيقة بصراحة .. ألوان مشبعة
وممتازة وممكن تخليها مشبعة أكتر من إعدادات الواجهة.
لو انت من الأشخاص اللي بتتفرج على فيديوهات كتير والموبايل
بالنسبالهم شاشة .. فا شاومي تحسها عامله الموبايل ده ليك .. لانها اهتمت جدا جدا بالشاشة.
سطوع تحت الشمس ممتاز لاقصى درجة .. ثقب السيلفي صغير جدا والحافة
السفلية معقولة جدا وده هيخلي التجربة احسن واحسن .. الشاشة عليها حماية Corning Gorilla
Glass الجيل الخامس ومتركب
عليها سكرينة كويسة.
من الاخر كده .. كل اما تبص على شاشة الموبايل هتتبسط اكتر واكتر.
Poco X3 Pro
شاشة الـ Poco X3 proشاشة بحجم 6.67 بوصة IPS LCD دقتها FHD+ والتردد فيها بيوصل لـ 120 هيرتز مع كثاقة
بيكسلات 395 بكسل لكل انش .. هي هي نفس شاشة الـ Poco X3 NFC بدون أي إختلاف.
الغريب هنا ان سطوع بوكو X3 NFC القديم
اعلى بفرق بسيط اوي اوي عن البرو .. وعمومًا الفرق مش كبير تمامًا.
وجودة الشاشة الـIPS LCD بتاعت
الـ بوكو
X3 برو مش أحسن حاجة ..
مش أحسن زوايا رؤيا ولا تشبع ألوان ولا أحسن سطوع .. يعني لو بتتفرج على فيديوهات
كتير وبتتصفح الموبايل كتير تحت الشمس الموبايل ده مش ليك وانت عارف انت ليك ايه
طبعاً الـ Redmi
Note 10 Pro.
لو هتقارن بين الاتنين فا مفيش اي مقارنة اساسا ... فرق ضخم جدًا
بصراحة في الألوان والسطوع لصالح ريدمي نوت 10 برو .. بس كل موبايل منهم مُوجه
لمُستخدم مختلف وده اللي هوضحهولك في باقي الفيديو وبالاخص النطقة الجاية.
وأخيرًا شاشة Poco X3 Pro عليها طبقة حماية Corning Gorilla Glass الجيل السادس .. والموبايل بيجي في العلبة متركب عليه سكرينه.
3
. المعالج والأداء :
Redmi
Note 10 Pro
الـNote 10 Pro جاي بمعالج كوالكوم سناب دراجون 732 بتكنولوجيا 8 نانو معالج فئة
متوسطة وده نفس المعالج المستخدم في Poco X3 NFC وفعلًا تجربة الإستخدام هنا مشابهه بشكل كبير للـX3 NFC.
بص الـ 120 هيرتز
كتير اصلًا في الفئة المتوسطة وكتير على معالج متوسط .. ولكن شاومي دائمًا بتهتم
بـ باكيدج المواصفات .. بتهتم تديلك اعلى ارقام ..
انا عارف ان مفيش
شركات تانيه اصلًا بتقدم معالج اقوى من الـ 732G في الفئة دي .. بس متنساش شاومي عندها Poco X3 Pro اللي معانا انهارده في نفس الفئة واللي هنتكلم علي الاداء بتاعوا كمان
شوية ، لكن هتضحي بالشاشة والتصميم والكاميرا اللي هن وهنعرف ده اكتر في رأيي
النهائي في المقارنة دي.
الأداء الرسومي .. ببجي على High HD .. كول اوف ديوتي على Very High .. فورت نايت بتشتغل على Medium والـFrame Rate فيها بيبقا من 5 لـ30 فريم في الثانية ..
والموبايل مش بيسخن
.. متقلقش من النقطة دي .. السخونية المعقولة الطبيعية مع الألعاب التقيلة .
Poco X3 Pro
نيجي بقا للنقطة
الاهم خطورة والاهم تميزاً في البوكو X3 pro .. معالج كوالكوم سناب دراجون 860 بتكنولوجيا 7 نانو ميتر ..
معالج قوي جدًا وسريع جدًا .. بسعر الموبايل حالياً فـ ده أقوى أداء بدون أي تفكير
.. وكمان نوع ذاكرة التخزين هنا UFS 3.1 علشان
يبقى معاك أقوى باكيدج أداء في الفئة دي.
بوكو X3 برو سريع .. مش هيحسسك بعجز واجهة شاومي .. لإن كل حاجة بتتعمل بسرعه .. Animations فتح وقفل البرامج والتنقل بينهم .. التنقل في الواجهة .. حاجة فوق فوق
الممتازة.
الموبايل أسرع من Poco X3 NFC النسخة القديمة منه واسرع من Redmi Note 10 Pro اللي معانا انهارده بفرق كبير .. فرق اكبر من 50% .. والـ 120 هيرتز
في الموبايل محسسوين جدًا لإن المعالج قادر يشغلهم في معظم الأوقات علي عكس الـ Note 10 Pro.
ببجي على Ultra HDR .. جودة خرافية اكيد .. وهتاخد تجربة محترمة جدًا سريعة جدًا ناعمة جدًا
مع الصوت الـStereo اللي هنا كمان هتلعب وانت
مبسوط .. كول اوف
ديوتي برده شغلتها واكيد شغالة ولا كان حاجه شغالة.
ولكن في نقطة مهمة، التبريد بتاع الموبايل مش الأفضل .. الموبايل
بيسخن بعد 10 دقائق من الإستخدام التقيل .. هو مش بيولع جدًا وكده لكن بيسخن أكتر
من الطبيعي بـ15% مثلًا .. السخونية معظمها بيبقى من النص العلوي من ظهر الموبايل من
حوالين الكاميرات .. وصل تحديث من شاومي للموبايل حجّم السخونية شوية وخلاها
متتخطاش نسبة مُعينة. وكده كده جسم الموبايل كله من البلاستيك فا بيقدر يشتت الحرارة بسرعة.
فـ بالمتخصر المفيد .. لو انت مش عاوز اعلى معالج
مُمكن وعايز موبايل شيك وبيهمك جداً الشكل والتصميم وحبيت الشاشة والكاميرات بتاعت
النوت 10 برو..فا هوا هيكون أختيار كويس
جدًا ليك .. أما لو انت عاوز موبايل تتقل عليه براحتك وتضغط عليه في الإستخدام ...
فا انت تخليك في البوكو اكس 3 برو هتنبسط اووي معاه.
4 . الكاميرات
:
Redmi
Note 10 Pro
كاميرات الـNote 10 Pro هنا :-
كاميرا
خلفية رباعية الأساسية 108 ميجا بيكسل فتحة عدسة F/1.9 .. والتانية 8 ميجا بيكسل للتصوير الواسع
فتحة عدسة F/2.2 .. والتالتة 5 ميجا
بيكسل ماكرو والرابعة 2 ميجا بيكسل عزل .. والسيلفي 16 ميجا بيكسل فتحة عدسة F/2.5. . طول ما الإضاءة عالية هتاخد بالكاميرا
الخلفية صور مليانة تفاصيل .. تشبع مظبوط ..
بالنسبة
للسيلفي .. زاوية التصوير بقت اوسع في ريدمي نوت 10 برو ولكن اوسع في الصور بس ..
انما في تصوير الفيديو لسه ضيقه .. الصور بتطلع ممتازة حرفيًا في الإضاءات العالية
.. في الإضاءات الداخلية ألوان الصورة بتتغير على حسب اضاءات الغرفة .. ولسه
التفاصيل مظبوطة.
الكاميرا
الـ Ultra
Wide
معقولة .. ولكن مش أفضل حاجه .. تظل عدسات الـUltra Wide بتاعت سامسونج اوسع وافضل .. والتصوير في
إضاءة داخلية مُرتفعة ممتاز برده من ناحية الألوان والتفاصيل .. تقدر فعلا تعتمد
عليها. بالنسبة لتصوير الفيديوهات
بالموبايل فا هو بيصور لحد K4 بس طبعًا مفيش ثبات إلكتروني على الـ K4 .. الثبات الإلكتروني
موجود على جودة الـ1080p .. والموبايل فيه ميكروفون اضافي، وبالنسبة
لتصوير الفيديوهات بالسيلفي فا بيدعم تصوير بجودة 1080p .. وزاوية التصوير ضيقة
جدًا في السيلفي.
قبل ما نقارن بين
الموبايلين خليني اقولك مواصفات وارقام كاميرات البوكو ف السريع كده ..
Poco
X3 Pro
الكاميرا الخلفية
رباعية .. الأساسية 48 ميجا بيكسل فتحة عدسة F/1.8 بمستشعر سوني IMX582 ايوة نفس سينسور ريدمي نوت 10 العادي مش البرو اللي معانا "اصحاا
لا يغفلونا" .. التانية 8 ميجا بيكسل فتحة عدسة F/2.2 والتالتة 2 ميجا بيكسل ماكرو والرابعة 2 ميجا بيكسل عزل .. والسيلفي
20 ميجا بيكسل فتحة عدسة F/2.2
الكاميرا الخلفية
اللي في بوكو X3 برو تقدر تقول عليها
كاميرا 48 ميجا بيكسل كويسة جدًا مع معالج قوي بيقدر يعالج الصور كويس تتوقع منه
أداء معقول متوسط .. مش أقوى اداء لان المستشعر أكيد اقل من مستشعرات الـ 64 والـ 108
ميجا بيكسل .. ولكن بيعوضك المعالج القوي اللي بيعالج الصور كويس جدًا وبيحاول
ميحسسكش بأي نقص او تقصير في الأداء .. وهقولك مقارتني بين النوت والبوكو بعد كام
ثانية بالظبط
السيلفي متغيرش ..
السيلفي المعتاد من شاومي .. لون البشرة مش أفضل حاجة .. وتحس كده ان في تغيير في
لون بشرتك في كل صورة بتاخدها .. وعموما الأداء معقول الصبح وفي الإضاءة العالية
.. وكالعادة لما الإضاءة تقل جامد ..
بالنسبة بقى لتصوير الفيديوهات فا الموبايل بيصور لحد جودةK4 بـ 30 فريم في الثانية .. وفي ثبات إلكتروني على الجودة دي
كالمتوقع بسبب المعالج القوي اللي هنا .. والثبات موجود على 1080p وموجود في التصوير السيلفي كمان .. والموبايل فيه ميكروفون اضافي
لعزل الضوضاء.
مقارنة الكاميرات
الخلاصة انت لو عايز
كاميرات كا أرقام وكا صور فعلاً تنبسط
منها .. فا الخيار الافضل هو طبعاً الـ النوت 10 برو , لكن البوكو مش وحش
خااالص بس مش الافضل , انا
شايف برده ريدمي نوت 10 برو احسن من Poco X3 proفي السيلفي من ناحية زاوية تصوير أوسع واحسن 20% في الإضاءات العالية
.. ولكن بيعاني برده من التصوير الليلي.
5 . الحماية
والمستشعرات :
Redmi
Note 10 Pro & Poco
X3 Pro
بالنسبة للموبايلين فيهم نفس الخواص
والامكانيات والمستشعرات يعتبروا طبق الاصل بينهم :
بالنسبة للبصمة هنا موجودة على زِر الباور
في الاتنين .. بصمة طيارة، أسرع بصمة من شاومي بالسعر ده في الموبايلين برضوا ..
مش بتغلط ولا مرة لو فضلت تفتح وتقفل الموبايل .. وكمان الـFace Unlock صاروخي ومش
بيلحق يدوب تدوس بيفتح . النوت 10 برو مفيهوش لمبة اشعارات بس البوكو فيه لمبة
وبتشتغل وقت الشحن فقط . وخد عندك كومبو الاضافات اللي شاومي دائمًا بتضيفهم في
موبايلاتها :-
دعم الـNFC - دعم
الـIR Blaster - دعم تشغيل الـRadio - دعم ميكروفون اضافي لعزل الضوضاء - دعم منفذ الـ3.5 مللي - صوت Stereo عالي ومجسم وهيديلك تجربة ممتازة في الاتنين بس تحس ان النوت صوته
اعلي سيكة بسيطة. بالنسبة للشكبات فا
الموبايلين يعتبروا بنفس قوة الشبكة ولكن مازالت شبكة النوت 10 العادي اقوي منهم
كلهم.
6 .البطارية والشحن :
